Déchets : le coup de gueule du président de la CAB, Louis Pozzo di Borgo, face aux mauvais comportements de professionnels
Cacciati i ruminzulaghji salvatichi chì sbottani issi pochi mesa à nantu à u tarritoriu lla cumunità d’agglumirazioni bastiaccia, i sirvizia di ricuparu di i scarti si sò pittughjati à aduracci in parichji punti di racolta.
Fendu a spizzioni d’issi punti, si hè pussutu veda chì a carica di i scarti si hè multiplicata par trè, incù sicuramenti à mezu rumenzuli prufiziunali, cascetti, cartoni, è ancu matiriali midicali o panneddi par parsoni maiori.
À senta ni à Louis Pozzo di Borgo, u prisidenti di a CAB, dubitu ùn ci ni pò essa : i panneddi vinariani da certi EHPAd, è i cascetti è cartoni da magazeni di stesa media.
Ma di regula, issi impresi è stabilimenta devini trattà i so rumenzuli via strutturi privati. Cusì l’hà privista a legi. Pari dunqua chì u prezzu d’issu sirviziu ùn cunvenga à certi, è l’affari ùn piaci tantu à Louis Pozzo di Borgo.
U prisidenti lla CAB hà dumandatu à i cumuni di sanziunà à quiddi chì si fariani piddà à ùn rispittà i reguli.
Steti à senta à Louis Pozzo di Borgo.
