Déchaînement sur les réseaux sociaux : le point du procureur de Bastia
(A ridazzioni d'Alta Frequenza) - Dapoi marti, si hè fattu luci à nantu à Twitter un affari d’attaccu sissuali suppostu, chì si saria passatu annu. L’affari nasci cù a publicazioni, à nantu à Instagram, d’un ritrattu lla sirata di quand’iddu si saria passata a cosa. Una ghjuvanetta hà tandu mintuvatu l’attaccu sissuali contru à a so suredda, di quatordici anni à l’epica, fattu da parichji parsoni ch’idda cunniscia. Ripustatu più di 50000 volti, u tweet hà infiaratu i cumenti : scandalizati, sputriti, vituparati... Ci sò ancu stati i minacci contru à i ghjuvanotti prisenti à nantu à a fotò, o contru à a suredda di a zitiddona. Era stata sposta, à l’epica, una lagnanza pà issi fatti d’attaccu sissuali, ma seguitu ùn ci n’era statu, chì dopu à inchiesta, l’affari hè statu classificatu. A prucurattrici lla ripublica di Bastia, Caroline Tharot, dici chì a inchiesta pà issa lagnanza ùn sarà riaparta, ma chì dui altri inchiesti sò stati missi in anda, in raportu cù l’evenimenti d’iss’ultimi ghjorna à nantu à i reti suciali.
A stemu à senta
Sur le même sujet
