Le Direct

Décès d'un skipper italien au large du Cap Corse

(A redazzioni d'Alta Frequenza) - Morti in mari issu dopu meziornu (vennari) in Corsica Suprana. A Prifettura maritima di u Mediterraniu annuzia chì un skipper s'hè feritu in capu, nant'à una vela taliana, à Nordu Punenti di Capicorsu, cù 2 altri parsoni drentu. U Falcon 50, avviò di survighjenza maritima di a Marina naziunali, hè intarvinutu da infurmà i succorsi nant'à a situazioni. U SUPER PUMA di l'Armata di l'Aria di a Sulinzara cù drentu una squadra medicali di u SAMU 83 hè stata mubilizatu sopralocu da purtà succorsu à i 3 parsoni. U ciuttadori di u SUPER PUMA hà purtatu à l'elicotteru i 3 parsoni ma u medicu di u SAMU 83 hà custatatu a morti di u skipper dopu à i so feriti. I dui altri sò in bona saluta. A vela chì sviava hè stata riguarata da un battellucciu SNS 082 di a SNSM di Macinaghju, cù l'aiutu di u ciuttadori di u SUPER PUMA è di u Bastimentu di Sustegnu, d'Assitenza è di Spulluzioni (BSAD) Jason. I dui parsoni è u skipper sò stati traspurtati via l'arii versu l'uspidali di Bastia.