Le Direct

De nouvelles liaisons maritimes dès l'été prochain entre Corse et Sardaigne

(A redazzioni d'Alta Frequenza) - Signatura ssu marcuri di u protocollu d'accordu pà a cuntinuità tarrituriali trasfruntaliera corsa è sarda. Un ducumentu uparaziunali chì hà da impona dunqua ubligazioni di sirviziu publicu, trà i dui isuli, quandu "u marcatu di cuncurrenza libara ùn hè micca in misura di cuntintà l'esigenzi di i pupulazioni". Hè par quissa chì i dui regioni ani identificatu i bisogni è cuncretizeghjani dunqua l'attrazzi nicissarii pà ssa via marittima. Si tratta cusì di guarantiscia a rigularità, a qualità è a securità di u sirviziu; a regioni autonoma di Sardegna s'incaricheghja di a leia trà Bunifaziu è Santa Teresa è a CTC di quilla trà Prupià è Porto Torres. Una DSP dunqua nanzi à un Gruppamentu Aurupeu di Cuuperazioni Tarrituriali cù l'Uffiziu di i Trasporti di a Corsica com'è capimachja, eccu l'idea ritinuta. Una cullaburazioni è una ripresa in manu da a Corsica chì Ghjuvan Filici Acquaviva ci prisenta.

Asculteti u presidenti di l'UTC.