De nombreuses associations demandent à Nicolas Battini d'arrêter sa grève de la faim
Parichji cintunarii di parsoni si sò accolti issu marcuri à u Tiatru di Bastia da sustena à Niculaiu Battini. Dopu à quaranta cinqui ghjorna d'isulamentu, ch'iddu si hè datu à pata vulintariamenti da studià meddu, Niculaiu Battini hà da attaccà u so quatordicesimu ghjornu di patifami issu ghjovi. Una situazioni ch'impinsirisci à veru quiddi chì li sò stretti, chì u ghjuvanottu di 21 anni hà dighjà persu 12 chilò dipoi u principiu di a so azzioni. Tandu, i so avucati, l'associu Sulidarità, a Liga lli dritti di l'Omu, l'università di Corsica è una ciorma d'associ è d'attori culturali dumandani à Niculai Battini di dà fini à u so patifami, i signatarii d'issa chjama prumittindu di cuntinuvà a so azzioni via d'altri mezi. U scopu hè d'uttena u so trasfirimentu da a prighjoni di Bois d'Arcy versu un'altra prighjoni, più adatta, da avvià studii suprani.
Sur le même sujet
