De nombreuses activités organisées autour des trente ans de la catastrophe de Furiani
U 5 di maghju, 30 anni fà, si ni sfraiaia a tribuna Nordu di u stadiu di Furiani. Era stata custruita à spiccera, à a dumanda lli dirigenti bastiacci, pà a meza finali di a Cuppa di francia, chì u SC Bastia duvia ghjucà quiddu ghjornu contru à Marseglia. Parvia d’issu straghju, 19 parsoni si ni sò morti, è 2 300 sò stati ferti.
Pà issu pessimu arricordiu, ci sarà ben’intesa u solitu ritrovu davanti à u mimuriali à 4 ori è a missa in a pro-catidrali Santa Maria, à 6 ori.
À parta si da vennari, una mostra fatta da l’elevi in umaghju à i vittimi sarà sposta à nantu à i muri llu culleghju Simon Vinciguerra.
Marti, u 3 di maghju, u filmu curtu di Corrine Mattei, a suredda d’una di i 19 parsoni spariti, hà da essa prughjittatu à u spaziu Carlu Rocchi in Biguglia. U 5 di maghju, issu filmu passarà à nantu à Via Stella, in prima sirata.
U 4 di maghju, si farà una ghjurnata di ballonu à u stadiu Armand Cesari. Tutta a ghjurnata, ci sarà una ghjustra pà i ghjovani U8 à U10.
À 6 ori, un scontru si farà trà quiddi di u Sporting chì duviani ghjucà issa finali è una squadra d’anziani di Bastia è Marseglia, ind’iddi ghjucarani Pascal Olmeta, Basile Boli, Manuel Amoros, Djibril Cissé, Pascal Camadini è tanti altri.
Par disgrazia, issu 5 di maghju, à u stadiu Vélodrome in Marseglia, ci hà da essa una meza finali di l’Europa Conference League, trà Marseglia è Feyenoord.
Pari ch’idda ùn si posca cambià a data d’issu scontru, ma u Cullittivu spera quantunca ch’iddu sarà fattu un umaghju à i vittimi.
Steti à senta à Josepha Guidicelli, a prisidenti llu Cullittivu lli vittimi.
Sur le même sujet
