Crise sanitaire et saison touristique : prévention et détection mais pas de tests obligatoires avant la venue en Corse
Priveda è visticà : eccu i parolli maestri ditti da u prifettu lla Corsica sta mani, da difinì i misuri sanitarii privisti in Corsica pà a staghjoni turistica.
Dui misuri impurtanti sarani missi in anda : hà dittu u riprisintenti llu statu francesu ch’in li porti è aeruporti di Corsica, à titulu spirimintali, è in cullaburazioni cù i Camari di Cumerciu, saria presa a frebba à l’aienti, via camerà termichi, sicuramenti.
In quantu à i visticheri innanzi di ghjunghja in Corsica, dumandati da a Cullittività, pudarani essa fatti à parta si da u vuluntariatu di i parsoni. U cumitatu scintificu lla CdC è parichji prufiziunali lla saluta n’aviani dumandatu l’ublicu.
Steti à senta à Franck Robine, u prifettu lla Corsica.
Par ciò chì tocca à i visticheri ublicatorii ditti PCR, fatti innanzi di ghjunghja in Corsica, u prifettu è a dirittrici di l’ARS ani dittu chì risichi di sbagliu, ci n’era troppu. U raportu trà u prezzu è l’efficacità ùn si faria, dunqua, à favori di l’ublicu. À senta li, hè impurtanti supr’à tuttu d’infurmà i viaghjadori, è di sinsibilizà li.
Steti à senta à Marie-Hélène Lecenne è Franck Robine.
Sur le même sujet
