Crise des droits TV dans le football : l'ACA en danger ?
È s’idd’ùn passessini più à a telè, i macci di siconda divisioni ?
A quistioni si poni, dopu ch’idd’achi lintatu l’affari MediaPro, è chì Canal + achi rinunciatu à i so dritti pà a prima divisioni, dumandendu una nova chjama publica.
Ma chivi, ùn si parla solu di a diffusioni llu campiunatu, ma supr’à tuttu d’una pussibilità di bancarotta pà u ballonu prufiziunali francesu.
Crisa sanitaria di u Covid19, perdita di i dritti televisivi… Ci hè pocu, a DNCG dicia chì u ballonu francesu avia persu circa 800 miliona d’auri.
Tandu, chì ni sarà di l’AC Aiacciu, a sola squadra corsa à prufittà d’issi dritti, postu ch’idda ghjoca in siconda divisioni ?
I dirigenti sò inchieti à veru, è ci pudaria essa una riunioni cù i ghjucadori, par parlà d’una calata di i i misati, com’idda l’arricumanda l’UNFP, u sindicatu lli ghjucadori.
U pinseri ci hè à veru, è di quissa ci ni parla Christian Leca, u prisidenti di l’AC Aiacciu è tisurieri di l’UCPF.
