Crise des déchets : Ségolène Royal met l'amendement Tallone à la poubelle
(A redazzioni d'Alta Frequenza) - U innò hè difinitivu ed hè statu cumunicatu da i so servizi : Ségolène Royal ùn prisintarà micca l'amendamentu pà cambià a legi liturali in u perimetru di ciò ch'ellu avaria pussutu essa u centru di scumpartimentu meccanicu è biologicu di Tallone chì ùn duvaria micca nascia dunqua. U presidenti di u SYVADEC, François Tatti, hè dillusu è in zerga di veda chì ss'ingaghjamentu ùn hè micca statu rispittatu. Oramai, vistu chì u pianu A ùn asisti più, ci hà da vulè à truvà un pianu B, è in furia. Parchì par avà, più nisun centru viaghja in Corsica, è i rumenzuli s'accumpuleghjani in carrughju, ciò chì pudaria fà pinsà da quì à pocu à una situazioni à l'usu napulitanu. Ghjovi da mani in Corti, una riunioni maiò cù l'eletti è i servizi di u Statu sarà urganizata.
Steti à senta à François Tatti, u presidenti di u SYVADEC.
Sur le même sujet
