Criminalité en Corse : la décrue
(A redazzioni d'Alta Frequenza) - Criminalità, grandi criminalità, o ancu prucedimentu maffiosu ! Semi luntanu da i maghjini tutti fatti è da a mediatisazioni esagerata di certi media, fora di Corsica soprattuttu, chì si facini suventi piacè pà ciò chì tocca tuttu ciò chì si passa in Corsica. Fora di un perimetru particulari ind'u Sartinesu, c'hè in Corsica, à u nivellu di a grandi criminalità, un calmu veru ! A parolla hè quilla di u prucuratori di a Republica di Corsica Suttana, chì ci prisintava arimani (ghjovi) cù u prifettu di Corsica, i sciffri di a criminalità in u dipartimentu in u 2014. 7 umicidii è 8 provi in u 2014 in Corsica Suttana ! Semi luntanu, assai luntanu, da ciò chì si passava inde l'annati 80, quandu c'era annant'à l'isula trà 40 è 50 umicidii à l'annu. Luntanu dinò di pettu à a tindenza di i 10 ultimi anni è di i 35 à 40 fatti custatati. Una calata di a criminalità in u dipartimentu aspittendu cullati novi o veri risultati di a pulizza è di a ghjustizia ?
Steti à senta à Xavier Bonhomme, u prucuratori di a Republica d'Aiacciu, chì ci dà u so parè.
