Création d'emplois et coup de pouce de l'incubateur Inizià : zoom sur l'entreprise Agilitest
Vennari, a start-up Agilitest hà inauguratu i so lucala novi, in Biguglia.
Cinqui impieca sò stati fatti supr’à locu, chì si aghjustani à i dui pruposti ch’hè pocu. Sò impieca di parsunali qualificati : ingigneri, duttori è circadori.
In sviluppu dipoi u 2017 è sustinuta da l’incubatori tarrituriali Inizià, chì hà invistitu subitu 71 000€ in a impresa, Agilitest hè spicializata in l’autumatisazioni lli provi infurmatichi è a so accissibilità, ancu pà i parsoni chì ùn sò asatti cù a sciffrera infurmatica è lugiziali.
Certi impresi impurtanti, com’è Canal+ è L’Oréal, sò clienti di a impresa.
Steti à senta à Philippe Cressend, u PDG d’Agilitest, chì ci parla di a so impresa.
À liveddu di l’incubatori , l’aienti si filicitighjani di a crescita d’issa impresa, ramintendu chì u sittori lla nuvazioni hè di quiddi chì viaghjani u più. Dopu à a calata imposta da u Covid, Inizià spera di pudè sustena altri prughjetta in issu duminiu.
Steti à senta à Emmanuel Pierre, u dirittori di l’incubatori Inizià.