Crash de la Caravelle Ajaccio Nice : 54 ans après les familles attendent toujours des réponses
54 anni dopu à l’accidenti lla « Caravelle » Aiacciu-Nizza, i famiddi di i vittimi aspettani sempri i risposti da a parti llu statu.
Di nuvembri di u 2020, emmanuel macron avia dittu ch’iddu ùn pisaria più u « sicretu di difesa » à nantu à issu cartulari. Ma oghji ch’hè oghji, ùn si sà ancu ciò ch’hè successu iss’undici di sittembri di u 1968.
In issu ghjornu d’arricordiu, s’aspetta sempri, dunqua.
Di luddu di u 2021, u prisidenti di l’associu di i famiddi di i vittimi avia mandatu una lettara à u capistatu, par dì li a so addispirazioni.
« Sò 53 anni chì i famiddi aspettani chì vo’ li dichiti ciò chì vo’ sapeti, vali à dì ciò chì si hè passatu à veru issu 11 di sittembri di u 1968 à 10 ori è 33.
O Sgiò Prisidenti, pensu ch’idda hè durata à bastanza ! », avia scrittu Mathieu Paoli.
Luni, u 12 di sittembri, ci sarà una cirimonia d’umaghju à i vittimi in cimiteriu d’Aiacciu, è una missa sullenna sarà ditta à 10 ori è mezu.
