Crapulerie, infamie, barbouzerie : Gilles Simeoni répond au Canard Enchainé
« Nimu ci teni u bracciu ! ». À tempu attaccata a ripresa di i dibattiti, ghjovi à l’assemblea di Corsica, Gilles Simeoni hà alzatu a voci dopu à a publicazioni d’un articulu di u « Canard Enchaîné » chjamatu « Simeoni s’invite à la table du Petit Bar », è chì trattaia d’una situazioni immubiliari à nantu à l’isula llu Cavaddu.
Pà u prisidenti llu Cunsigliu Esecutivu, iss’articulu è a dimarchja avviata incù iddu sò vituperiu, infamità o ancu barbusaria.
Spieca Gilles Simeoni chì l’elementi di a Camara Righjunali di i Conti sò stati ricacciati apposta di manera tronca.
« Hè impussibuli di lacà passà iss’accusazioni, à nomu di a funzioni chì hè meia oghji è pà a stituzioni di a quali femu parti. Tutti i punti mintuvati da st’articulu sò stati missi in dibattitu in iss’assemblea. Pratenda ch’iddi sò u segnu d’unu stravvià, ni veni à pratenda chì a stituzioni hè mancata à u so duveri », hà dittu u prisidenti di l’esecutivu.
Steti à senta una parti di u so intarventu.
Ancu puri issendu in l’uppusizioni, u gruppu « Avanzemu » hà riagitu purtendu u so sustegnu.
« À iss’urribilità, ùn ci cridimu mancu una siconda, mancu una sola siconda », hà spiicatu Jean-Christophe Angelini, u prisidenti llu gruppu. A vi dimu « fighjulendu vi in l’ochja », hà dittu à intinzioni di Gilles Simeoni.
Steti lu à senta.
Sur le même sujet
