COVID-19 : Un milliard de doses ont été injectées dans le monde, le cap des 100 000 primo-vaccinés sera franchi en Corse lundi ou mardi
Ci vurria ch’idda si rinforzi a campagna mundiali di vaccinazioni, da parà a pandemia llu Covid 19, è circà à avvià si versu una vita nurmali.
À liveddu mundiali, saria statu francatu u miliardu di i inghjizzioni.
Certi paesa – ricchi pà a maior’parti – sariani in avanzu à nantu à issu tarrenu : Israela, i Stati Uniti, l’Ingliterra, l’Emirati Arabi Uniti.
Si mintuvarà quantunca a Nova Zilanda chì, innanzi bè à l’affaccà llu vaccinu, hà sappiutu parà pà u meddu - cù misuri soca à pena più sinnati chè quiddi di tutti issi paesa - a stesa di l’epidemia : chivi, à u 24 d’aprili, i casi pusitivi erani 2601, i parsoni trattati 2542, è u tutali di i morti era di 26.
In francia, 27 % lla pupulazioni maiori avaria ricivutu a prima dosa llu vaccinu.
In Corsica, sò in issa situazioni 35 % di i più di 18 anni, è 28,56 % lla pupulazioni intreva.
Luni o marti, duvariani essa 100 000 à avè avutu una prima dosa.
Ma hè luntana bè l’imunità cullittiva, masimu chì ùn ni semu chè à 13,11 % lla pupulazioni corsa ad essa cumplittamenti vaccinata.
Hè sempri pocu, ma a liveddu mundiali, ùn si n’hè par avali chè à 3 %.
Hè bedda longa dunqua, a strada ancu à fà lla vaccinazioni.
