COVID-19 : trois décès en Corse la semaine dernière, taux d'incidence en hausse en Corse-du-Sud et en baisse en Haute-Corse
Com’è ugni marcuri, l’ARS lla Corsica prisenta u bilanciu lla sittimana scursa pà u Covid 19.
Trè parsoni sò morti parvia di u siscu, dui in Pumonti è una in Cismonti. Da quand’idda hè cumencia a crisa, 67 parsoni si ni sò morti in i spidala di Corsica.
In quantu à u tassulu d’incindenza lla malatia, cala à liveddu righjunali da una sittimana à l’altra, falendu da 64,6 à 53,7 par 100 000 abitanti, a limita d’alerta issendu à 50. Ma i situazioni, in Pumonti è in Cismonti, parini sfarenti quantunca. In Pumonti, u tassulu passa da 68,3 à 77,2. In Cismonti inveci, hè calatu da 60,9 à 33,3. Ma, à senta ni à l’ARS, issu scartu si pudaria ancu spiicà cù un numaru di virifichi più bassu in Cismonti.
In quantu à u paesu aiaccinu, hè iddu chì hà avutu u tassulu u più altu di Corsica, à 93,5.
A sittimana scursa, sò stati cuntati 180 casi pusitivi in più. L’uspitalisazioni ùn sò tantu crisciuti. Cù 24 parsoni, ni semu solamenti à una di più chè a sittimana scursa. Ci n’hè 12 in Pumonti è 12 in Cismonti, dui di quissi issendu in rianimazioni in Bastia è una in Aiacciu.
Sur le même sujet
