COVID-19 : Toujours 34 personnes hospitalisées en Corse, près de 55% de la population adulte est primo-vaccinée
Eccu i sciffri llu Covid 19, publicati luni da l’ARS.
29 parsoni sò uspitalizati in Pumonti, è 5 in Cismonti.
Di quissi, 4 sò in rianimazioni, tutti in Pumonti.
28 virifichi sò turrati pusitivi, 13 in Pumonti è 15 in Cismonti.
A pusitività, par 7 ghjorna filati, hè à 0,7 % in Pumonti, è à 0,3 % in Cismonti.
A incidenza hè à 27 in Pumonti è à 13 in Cismonti. In Pumonti, puri firmendu si in u verdu, hè duppiata in una sittimana. In Cismonti, inveci, hè calata.
151 735 parsoni ani avutu a prima dosa llu vaccinu, vali à dì 44,60% lla pupulazioni è 54,39% lla pupulazioni maiori.
102 724 parsoni ani avutu i dui dosi, vali à dì 30,19 % lla pupulazioni è 36,82% lla pupulazioni maiori.
