COVID-19 : premières vaccinations dès ce mercredi à l'hôpital de Bastia
Marcuri, duvaria cumincià a vaccinazioni in Corsica.
In una cunfarenza di stampa, u spidali di Bastia hà datu cunfirma ch’iddu duvia riceva 1 950 dosi di u vaccinu Pfizer è BioNtech.
A mità (à pocu pressu) d’issu lottu – 925 dosi – sarà avviata subitu versu u spidali d’Aiacciu.
L’altra parti, firmata in Bastia, devi essa validata da Pfizer è BioNtech, postu chì i primi vaccinazioni si farani chivi : si virificarà, innanzi di fà lu, chì u vaccinu hè statu carriatu à -80 gradi.
I primi vaccinazioni si duvariani fà marcuri dopu meziornu : un medicu di u spidali di Bastia duvaria essa u primu à prufittà ni.
U lottu di u spidali di Bastia ghjuvarà à i so parsunali vuluntari di più di 50 anni o tocchi da comurbidità, à i medichi libarali di stessa situazioni è à i pighjunanti di l’EHPAD publichi di u Cismonti.
U seguitu d’issa prima vaccinazioni si farà ghjovi in Calvi, è vennari in Corti.
In Aiacciu, a vaccinazioni duvaria principià a sittimana ch’entri.
I dosi d’issu lottu ùn sarani attribuiti à l’EHPAD privati, chì à iddi u vaccinu li sarà distribuitu da un grussistu privatu.
Steti à senta à Marie-Christine Viale, dirittrici di i compriti, di i travaddi, di a lugistica è di i sirvizia ecunomichi llu spidali di Bastia.
