COVID-19 : Poursuite et même accentuation des mesures de freinage en Corse-du-Sud
Tinindu contu di l’evuluzioni lla situazioni sanitaria in Pumonti, pà issi dui sittimani passati, i misuri presi u 5 d’austu sò privisti par curra sinu à u 2 di sittembri.
Ramintemu chì, dipoi u 9 d’austu, hè d’ublicu u pass sanitariu da pudè andà in certi loca, evenimenta o stabilimenta.
I caffè è i risturanti chjudini, à u più tardi, à 1 ora di mani. L’affari vali dinò pà i snack è punti di vendita in camiò, suttimissi ancu iddi à u pass sanitariu.
I discutecchi, ind’iddi ùn poni andà chè i parsoni maiori, t’ani l’ublicu llu pass pà i so clienti, ma ùn sò tocchi da issa limita uraria pà a chjuditura.
I panittarii è pastizzarii chì pruponini a cunsumazioni supr’à locu sò suttimissi ancu iddi à l’ublicu llu pass sanitariu.
L’evenimenti chì accuddariani più di 50 parsoni in l’ERP devini essa dichjarati in prifittura 3 ghjorna innanzi (eccu l’indirizzu di dichjarazioni : pref-reglementation-securite@corse-du-sud.gouv.fr).
I fistivala è cuncerti urganizati in u dipartimentu devini essa dichjarati in prifittura. U pass sanitariu ci hè d’ublicu, è u publicu devi pusà mentri l’evenimentu. A mascara ci hè d’ublicu à parta si da 12 anni.
A mascara hè d’ublicu, fora, in Prupià, Sartè, Portivechju, Bonifaziu, Aiacciu, Purtichju è Balioni, è in tutti i piazzi publichi lli cumuni llu dipartimentu.
Issi misuri, ch’iddu ci prisintaia pocu fà u prifettu, sò sempri d’attualità.
Stemu lu à senta.
Sur le même sujet
