COVID-19 : Le taux d'incidence a été multiplié par 6 en 10 jours en Corse
À senta ni i cusì ditti spicialisti – è sò uni beddi pochi ! - a quarta passata llu siscu si avvicina.
Ancu puri chì l’ARS ùn doca più i sciffri lla pandemia in duminicata, a so evuluzioni si pò suvità via u situ CovidTracker, chì t’hà quantunca un nomu chì s’assumidda à quiddu d’un parsunaghju di figuretti Marvel.
Duminica, a incidenza era à 13 in Pumonti è à 18 in Cismonti.
A incidenza dici quant’iddi sò stati, par setti ghjorna, i virifichi pusitivi par 100 000 abitanti. A limita à ùn francà hè à 50.
In principiu di luddu, issu sciffru era à 2 in Pumonti è à 3 in Cismonti. A tindenza hè dunqua nigativa, postu ch’iddu si hè multiplicatu par 6 in 10 ghjorna, vali à dì ch’idda ci hè una cuddata di 500 %. Sè l’affari cuntinivighja cussì, a Corsica passaria da u culori verdu à quiddu arancinu da quì à pochi ghjorna.
Sur le même sujet
