COVID-19 : le point sur les mesures mises en place par les préfectures en Corse
Parvia di l’evuluzioni di l’epidemia in Corsica, sò stati presi misuri pà i dui dipartimenta, chì viaghjarani toccu sabbatu. Issi misuri venini à cumplittà quiddi ditti naziunali.
Dui sittimani fà, si n’era à 144 casi par sei ghjorna. Oramai, si n’hè à 641 pà u stessu periudu, è un terzu d’issu sciffru tocca i parsoni trà 20 è 39 anni.
Cù issa crescita, sò pieni à 100 % i sirvizia lla rianimazioni d’Aiacciu è di Bastia, cù i casi gravi llu Covid è quiddi chì ci sò par raghjoni altri.
A situazioni si faci ancu più dilicata in i spidala cù l’epidemia lla brunchiulitta, chì mubilizighja in parti i stessi parsunala chè pà u COVID.
I dui prifitturi ani dicisu di dumandà a dichjarazioni di l’evenimenti fistivi di più di 50 parsoni, d’impidì ch’iddu sichi arrittu u publicu in i cuncerta, di pruibì i punti di bienda in u sport amatori, è di bluccà una piazza par dui à u sinemà, par casu ch’iddi si vendini sempri biendi è dulciumi.
In Cismonti, l’evenimenti fistivi privati in i sali pulivalenti cumunali sò difesi, è a mascara torra d’ublicu, in Bastia, à nantu à u viali Paoli, in i carrughji Campichi è Napoleon, è à nantu à a piazza llu marcatu.
Steti à senta à françois ravier, u prifettu llu Cismonti.
Sur le même sujet
