COVID-19 : Jean Castex prévient et prépare des règles pour un temps long
Photo facebook Jean Castex
In un’intervista publicata in « Le Monde », u primu ministru francesu jean castex parla di a situazioni sanitaria è di i ristrizzioni.
«Sin’ch’idd’ùn ci sarà u vaccinu, ci tuccarà à dà pirspittivi pà i reguli llu ghjocu » spieca u ministru, chì dici « ch’iddu ci hà da vulè à campà cù u siscu, pà un tempu longu ».
jean castex spieca chì u guvernu travadda à una stratigia chì pudaria durà sinu à l’istati.
« Pà un pezzu, accolti fistivi o di famidda in i sali di festi, ùn ci ni sarà. I caffè è i risturanti, chì sò loca d’alta cuntaminazioni, ùn aprarani u primu di dicembri, inveci chì i magazena di ghjoca, sì ».
U primu ministru hà dittu chì calchì misuri da allibbiì a situazioni pudariani affaccà da quì à u primu dicembri, sè l’affari si middurighjani. Issi misuri ùn tuccarani chè certi cumerci, cù un prutucollu rinfurzatu.
