COVID-19 : incidence et positivité en très forte hausse la semaine dernière en Corse, le Taravo, l'Alta Rocca et la Plaine Orientale particulièrement touchés
Eccu com’è ugni marcuri, i sciffri sittimanali llu Covid pà a Corsica, cumunicati da l’ARS.
A sittimana scursa, virifichi si n’hè fattu 4 520, i casi pusitivi issendu 305.
À 6,7 %, u tassulu di pusitività hè in crescita bè, à veda ni i 3,4 % di a sittimana passata. Tocca i 6,9 % in Cismonti è i 6,5 % in Pumonti.
U tassulu di l’incidenza hè duppiatu da una sittimana à l’altra, passendu da 42 à 88 casi par 100 000 abitanti. Issa crescita hè piu alta in Cismonti, cù un tassulu di 93. Quiddu di u Pumonti hè di 83.
U puntu u più pessimu hè a piaghja a Liventi cù un tassulu d’incidenza di 142 : semu vicinu è bè à u tassulu di 150, chì marca a limita di l’alerta rinfurzata.
Venini daretu u Taravu- Valincu è Sartinesu, cù un tassulu à 137, è l’Alta Rocca cù a Pian’d’Afretu à 105.
Ind’è i parsoni da 20 à 39 anni, chì sò i più tocchi, u tassulu franca bè i 150. Codda dinò ind’è quiddi chì t’ani più di 65 anni, chì sò d’altrondi una pupulazioni à risicu.
In fin’di sittimana scursa, erani 32 i parsoni uspitalizati in Corsica, setti di più chè à l’ultimu bilanciu. 21 sò in Cismonti è 11 in Pumonti.
Trà issi parsoni, 4 erani in rianimazioni in Cismonti è 3 in Pumonti.
Sur le même sujet
