COVID-19 et grippe en Corse : les courbes sont toujours orientées à la baisse
Ugni ghjovi, l’ARS publichighja un biglittinu da pricisà a situazioni di u Covid19 è di a grippa.
Par ciò chì tocca à u COVID, « calani bè l’uspitalisazioni cunvinziunali. Quiddi in rianimazioni crescini à pena, ma sò bassi sempri », dici l’agenza.
A sittimana passata, sò intruti ottu parsoni à u spidali, trè di quissi andendu in rianimazioni. A sittimana innanzi, erani 26 l’uspitalisazioni cunvinziunali, è trè in rianimazioni.
Ad oghji, 63 parsoni sò in uspitalisazioni cunvinziunali è quattru in rianimazioni.
Par disgrazia, si n’hè morta un’altra parsona.
Par ciò chì tocca à a grippa, pari ch’iddu sichi passatu u puntu altu. Cala bè, l’attività grippali, ma hè sempri bedda alta.