COVID-19 : Deux semaines après le début du troisième confinement, les indicateurs en Corse ne se sont toujours pas inversés
Dopu à dui sittimani, chì ni sarà d’issu terzu cunfinamentu ? Viaghjarani i misuri annunciati da emmanuel macron in principiu d’aprili ?
Pari chì, puri ùn pighjurendu, ùn sichi in traccia di middurà si à veru a situazioni : si trattaria piuttostu par avali di stabilisazioni.
Eccu paragunati uni pochi di sciffri :
U 2 d’aprili, si n’era à 87 uspitalisazioni (63 in Pumonti è 24 in Cismonti).
Ni semu oghji à 93 parsoni uspitalizati (68 in Pumonti è 25 in Cismonti).
U 2 d’aprili sempri, 86 virifichi sò turrati pusitivi (48 in Pumonti è 38 in Cismonti).
Ad oghji, ni semu à 77 (30 in Pumonti è 47 in Cismonti).
Pà i stessi dati, a pusitività passa da 3,3 % à 3,8 % in Pumonti, è da 2,8 % à 4,2 % in Cismonti.
Ancu cù i ristrizzioni, pari ch’iddu ni sichi à pighjurà issu sciffru.
U 31 di marzu, a incidenza era à 180 in Pumonti è à 130 in Cismonti. Marcuri, era à 134 in Pumonti è à 147 in Cismonti. Chivi inveci, ci saria un picculu middurà in Pumonti.
Cacciatu issu picculu puntu chivi, i sforzi d’issi quindici ghjornu pari ch’iddi sichini di pocu effettu, par avali. Ma issi novi ristrizzioni pari ch’idd’achini cuntinutu, quantunca, a stesa di l’epidemia.
Tuccarà dunqua à ugnunu à mantena u sforzu, da ch’iddi calghini à veru tutti iss’indicatori.
Sur le même sujet
