COVID-19 : Deux nouveaux clusters professionnels en Corse-du-Sud et 87 nouveaux cas (dont 58 en Haute-Corse)
Eccu i sciffri llu Covid 19, publicati marcuri da l’ARS.
50 parsoni sò à u spidali, 11 in Pumonti è 39 in Cismonti.
Di quissi, 11 sò in rianimazioni, una in Pumonti è 10 in Cismonti.
87 virifichi sò turrati pusitivi, 29 in Pumonti è 58 in Cismonti.
Dui punti di cuntaminazioni sò affaccati, in un ambienti prufiziunali, in Pumonti.
Un casu novu di varianti non brittanica hè statu idintificatu in Cismonti. S’aspettani analisi in più, da sapè s’iddu hè sutt’africana o brisiliana. A cuntaminazioni saria successa mentri un viaghju, i sintumi issendu affaccati dopu vultata a parsona in Corsica. A parsona tocca è i so cuntatti sò stati missi à u scartu.
A pusitività par setti ghjorna filati hè à 1,4 % in Pumonti, è à 3,4 in Cismonti.
A incidenza cresci à 55 par 100 000 abitanti in Pumonti, è à 154 in Cismonti.
In Corsica, ad oghji, ùn sò chè 20 127 i parsoni à essa stati vaccinati. 7 951 di quissi ani avutu aghjà i so dui dosi.
Sur le même sujet
