COVID-19 : des mesures de restriction prises en Balagne devant l'explosion du taux d'incidence à presque 400 cas pour 100 000 habitants
380 casi par 100 000 abitanti, eccu ciò ch’idda hè a incidenza di u Covid 19 in Balagna. 91 casi novi sò affaccati luni, dopu buttatu issu puntu di cuntaminazioni in parichji festi, cù cintunai di parsoni mischiati.
Issi casi sò sparti trà a Balagna è a cumuna di San’Fiurenzu. Ben’intesa, issi sciffri imponini misuri, da circà à parà a stesa llu siscu : virifichi rinfurzati, ricirca di i parsoni in cuntattu è missa à u scartu di i parsoni pusitivi.
À parta si da dumani, in Balagna è in San’Fiurenzu, caffè è risturanti ùn pudarani firmà aparti dopu à 11 ori di sera, è ùn pudarani riceva clienti chè à mità di i so capacità, senza mancu ch’iddi poschini cunsumà arritti. I foca d’artifizii è baddi llu 14 di luddu ùn si farani. L’evenimenti o matrimonia in i stabilimenta chì ricevini publicu ùn pudarani francà i 50 parsoni.
In Balagna sempri, com’è in altrù d’altrondi, sarani dunqua rinfurzati in issi stabilimenta i virifichi par ciò chì tocca à l’usu lla mascara pà i parsunala è pà i quaterni di i cuntatti. Infini, a mascara sarà d’ublicu pà issi marcati è fieri. I discutecchi poni stà aparti, postu chì dighjà par entra ci era d’ublicu u pass sanitariu.
À liveddu di tuttu u dipartimentu, in i caffè, risturanti è stabilimenta chì ricevini u publicu in i spazia chjusi, sarani difesi cuncerti è amplificazioni lla musica.
Steti à senta à françois ravier, u prifettu llu Cismonti.
Sur le même sujet
