Covid-19 : dans une tribune des médecins de renom appellent à "siffler la fin de la récréation"
In una tribuna publicata in « Le Journal du Dimanche », sei medichi è prufissori famosi ni chjamani à «fà la finita ».
Dumandani à i francesi d’ùn ritruvà si in l’accolti privati. « Dopu à a gioia di u ritrovu di l’istati, hè ora avali di fà attinzioni… Semu à una tappa nova di l’epidemia : quidda di a so stesa… Ferma pocu tempu da agiscia cullittivamenti » avertini issi spicialisti.
« Sfrancheti vi la, quant’è vo’ pudeti, di l’accolti privati. Più hè chjuca una pezza, più ci hè mondu, menu ci curri aria, è più feti crescia u risicu. Riduciti u numaru lli parsoni prisenti in lu quadru privatu. È quand’idd’hè pussibuli, attimpeti ugni riunioni », pricisani i duttori.
Trà quiddi chì ani signatu issa tribuna ci si trovani Philippe Amouyel, prufissori di saluta publica à u CHU di Lilla è dirittori lla Fundazioni Alzheimer, Anne-Claude Crémieux, infizziuloga à u spidali Raymond Poincaré, Gilbert Deray, capisirviziu in nefrulugia à u spidali di a « Piété Salpêtrière », è infini u ginitiziani Axel Khan, u prisidenti lla Liga contru à u cancaru.
Sur le même sujet
