Le Direct

COVID-19 : 7 nouveaux décès dont une femme de 42 ans et 139 nouveaux cas positifs en Corse

Eccu i sciffri llu Covid 19, publicati luni da l’ARS.

Par disgrazia, 7 parsoni si ni sò morti issa duminicata : 3 donni di 42, 82 è 85 anni ; un omu di 74 anni è trè altri parsoni in EHPAD.
Ad oghji, u siscu si hà purtatu 264 cristiani, in Corsica.

29 parsoni sò uspitalizati in Pumonti, è 27 in Cismonti.

Di quissi, 4 sò in rianimazioni in Pumonti, è 5 in Cismonti. In media, iss’aienti t’ani 61 annu.

66 virifichi sò turrati pusitivi in Pumonti, è 73 in Cismonti.

Luni passatu, in tutta a Corsica, erani 199 i virifichi pusitivi.

Un novu puntu di cuntaminazioni hè affaccatu in unu stabilimentu medicosuciali llu Cismonti.

A pusitività hè à 1,3 % in Pumonti, è à 2 % in Cismonti.

A incidenza hè à 123 in Pumonti, è à 158 in Cismonti.

Par ciò chì tocca à a vaccinazioni, i sciffri ùn sò stati cumunicati, parvia d’un pinseri tecnicu.