COVID-19 : 7 nouveaux décès, 1 126 cas quotidiens en moyenne et 114 patients hospitalisés, la vaccination a réduit de 90 % les formes graves en Corse selon l'ARS
Eccu u puntu sittimanali par ciò chì tocca à u Covid 19, publicatu da l’ARS.
A circulazioni llu siscu saria stabilizata, cù una incidenza à 2 285 par 100 000 abitanti, vali à dì 330 di menu chè a sittimana passata.
Hè stabili dinò u numaru di i parsoni in rianimazioni. À senta ni à l’ARS, quissa a spiicaria l’efficacità lla vaccinazioni contru à i formi grevi lla malatia.
Trà u 10 è u 16 di ghjinnaghju, 7 884 parsoni sò statti cuntati pusitivi, vali à dì, in media, 1 126 casi à ghjornu. Sò 162 di menu chè a sittimana passata.
Par disgrazia, 7 altri parsoni si ni sò morti.
Ghjovi à sera, sò cuntati 114 parsoni uspitalizati, è t’ani in media 75 anni.
19 sò in rianimazioni, chì t’ani in media 65 anni.
À chì vol’creda à l’ARS, 89 % lli parsoni in rianimazioni ùn sò vaccinati, o ùn ani fattu a terza inghjizzioni. Circa à spiicà, l’Agenza lla Saluta, chì a vaccinazioni – masimu u rappellu – faci calà di 90 % i formi grevi lla malatia : cunfirma ni saria data fighjulendu u prufilu lli parsoni in rianimazioni in Aiacciu è Bastia.
74,6 % di i più di 12 anni sò cumplittamenti vaccinati, è 48,9 % ani avutu a terza inghjizzioni.
Issa sittimana, 1 102 parsoni ani avutu a so prima dosa llu vaccinu. Hè calatu issu sciffru, à pettu à quiddu lla sittimana passata.
Sur le même sujet
