COVID-19 : 54 nouveaux patients hospitalisés, 3 nouveaux décès, les courbes se dégradent en Corse
Inchieta à veru, a nuvesima passata di u COVID19 : à liveddu naziunali, sò stati francati i 100 000 cuntaminazioni à ghjornu.
In Corsica dinò, a situazioni devi essa pocu quenta. Ma ùn si pò sapè di manera pricisa ind’iddu si n’hè, postu chì i riprisintenti lli lavuratoria di biulugia midicali privati ani suspesu a trasmissioni lli risultata lli virifichi. Ma in issa poca pricisioni, c’entrini ancu a greva è a chjuditura di certi lavuratoria.
Eppurri, pari ch’idda si cunfirmi ugni sittimana a crescita. Dici l’ARS, in u so ultimu bigliettu sittimanali, chì « a sittimana scursa, hè parsa crescia a circulazioni llu siscu.
Par quidda sittimana, spieca l’Agenza, SOS Médecins hà fattu 462 cunsultazioni suspittendu u COVID19, ciò chì riprisenta 17,6 % lla so attività.
54 parsoni in più sò intruti à u spidali, cinqui di quissi issendu in rianimazioni.
Par disgrazia, trè altri parsoni si ni sò morti.
Dicini l’auturità lla saluta ch’idda hè impurtanti à veru di fà si vaccinà, è ch’iddu ci voli à rinfurzà i gesti lla sicurità sanitaria, da pruteghja si è pruteghja i soi di i formi grevi lla malatia.
Sur le même sujet
