Le Direct

COVID-19 : 37 nouveaux cas positifs en Corse, de nouveaux clusters et quatre hospitalisations supplémentaires à Bastia

Luni, com’è ad ugni ghjornu, l’ARS lla Corsica hà publicatu i sciffri llu Covid 19.
Duminica, virifichi, si n’hè fattu 569 in Pumonti è 296 in Cismonti. 37 d’issi virifichi sò turrati pusitivi, 16 in Pumonti è 21 in Cismonti.
Quattru parsoni di più sò stati uspitalizati in Bastia : sò oramai quattordici, dui di quissi issendu in rianimazioni.
Dui punti novi di cuntaminazioni sò affaccati. Unu, prufiziunali, hè in Aiacciu : sedici parsoni sò stati virificati è missi à u scartu, setti trà quissi issendu pusitivi.
Quidd’altru si trova in l’EHPAD Sainte Thérèse in Bastia, chì conta quattru casi pusitivi, dui risidenti è dui parsunala midicanti. I virifichi di parsunala è risidenti cuntinuvighjani dunqua, è i visiti, par avali, sò difesi ben’intesa.
Da u 31 d’austu à u 6 di sittembri, 9 340 virifichi sò stati fatti, 376 issendu turrati pusitivi. 43 % d’issi parsoni t’ani menu di 30 anni, 14 % t’ani più di 60 anni. 87 % d’iss’aienti sò risidenti.