COVID-19 : 35 patients hospitalisés à l'hôpital de Bastia, la capacité des hospitalisations non-COVID réduites
Photo d'illustration
U spidali di Bastia faci u puntu di l’uspitalisazioni pà u Covid19 chì sò crisciuti bè, passendu in una sittimana da 7 à 35.
Cinqui d’issi parsoni sò in rianimazioni, è di quissi dui sò vintilati.
23 parsoni sò in l’unità chjamata Covid 5, didicata à i casi i menu grevi.
Trè sò in cura cuntinuva è quattru in psichiatria. Un’unità chjamata Covid4, chì pò avè da 10 à 16 letta, hè pronta, ma ancu à apra par avali.
L’unità Covid5 disponi di 28 letta, è l’unità di rianimazioni è cura cuntinuva ni pò riceva 11.
Dici u spidali ch’iddu hè in traccia di fà u censu di i parsunala, midicali o micca, capaci à ghjunghja à rinfurzà issu sittori.
A dirizzioni circa quantunca à mantena i vacanzi anninchi di i prufiziunali, mubilizati chì sò dui anni.
I capacità d’uspitalisazioni fora di u Covid sò stati ridutti, i prucidimenta d’accolta è trasfirimentu versu l’altri stabilimenta llu GHT o di u sittori privatu sò stati missi in anda.