Le Direct

COVID-19 : 353 nouveaux cas positifs, 5 nouveaux clusters et 13 nouvelles hospitalisations en Corse

Eccu i sciffri llu Covid19, publicati vennari da l’ARS.

Par disgrazia, una parsona si n’hè morta, in un EHPAD.

23 parsoni sò uspitalizati in Pumonti, è 25 in Cismonti.

Dui di quissi sò in rianimazioni in Pumonti, è 3 in Cismonti.

121 virifichi sò turrati pusitivi in Pumonti, è 232 in Cismonti.

Cinqui punti di cuntaminazioni sò stati idintificati : unu in un ambienti prufiziunali, unu in un stabilimentu sanitariu è unu in un stabilimentu medicosuciali in Cismonti ; unu in un ambienti prufiziunali è unu in un centru di vacanzi in Pumonti.

A pusitività, par setti ghjorna filati, hè à 3,9 % in Pumonti è à 8 % in Cismonti.

A incidenza hè à 321 in Pumonti è à 807 in Cismonti.

A vaccinazioni viaghja sempri bè : 206 333 parsoni (+ 2 385) ani avutu a prima dosa llu vaccinu, vali à dì 60% lla pupulazioni. 

168 848 parsoni (+ 1 103) sò integralmenti vaccinati, vali à dì 49% lla pupulazioni.