COVID-19 : 13 nouveaux décès et un taux d'incidence qui se stabilise en Corse (2 615), la vaccination repart à la hausse (1 607 nouveaux vaccinés cette semaine)
Eccu, com’è ugni marcuri, u puntu sittimanali di l’ARS par ciò chì tocca à u Covid 19.
A situazioni si saria stabilizata, cù una incidenza sempri alta, à 2 615 par 100 000 abitanti, vali à dì 2 % di più chè a sittimana scursa.
Trà u 3 è u 9 di ghjinnaghju, sò stati cuntati 9 014 parsoni pusitivi, vali à dì, in media, 1 288 casi à ghjornu.
Par disgrazia, a prima sittimana di ghjinnaghju, si ni sò morti 13 parsoni.
Isu marcuri à sera, sò 83 i parsoni uspitalizati. In media, iss’aienti t’ani 73 anni.
In rianimazioni sò 25, chì t’ani in media 65 anni.
À senta ni à l’ARS sempri, 74 % di i parsoni in rianimazioni ùn sò vaccinati, o ùn ani fattu a terza inghjizzioni.
In Corsica, 74,2 % di i parsoni, da supra à 12 anni, t’ani una vaccinazioni cumpletta. In francia, sò 89,8 %. 45,4 % ani avutu a terza inghjizzioni.
Issa sittimana, sò stati vaccinati 1 607 parsoni, chì ani avutu a so prima dosa. Hè una bedda crescita à pettu à a sittimana scursa.
Sur le même sujet
