COVID-19 : 109 nouveaux cas positifs, la Haute-Corse quasiment dans le rouge, plus de 4 700 nouveaux vaccinés en 24h00
Eccu i sciffri llu covid, publicati vennari da l’ARS.
20 parsoni sò à u spidali in Pumonti, è 7 in Cismonti. Dui di quissi sò in rianimazioni in Pumonti, è una in Cismonti.
109 virifchi sò turrati pusitivi, 28 in Pumonti è 81 in Cismonti.
Par setti ghjorna filati, a pusitività hè à 0,4 % in Pumonti, è à 3,8 % in Cismonti.
A incidenza hè à 20 in Pumonti, è à 135 in Cismonti, ind’idda hè duppiata in 24 ori.
Manca pocu da fà passà u dipartimentu in russu, l’affari succidindu cù una incidenza à 150. Tandu, pudariani affaccà ristrizzioni in più.
177 052 parsoni (+ 4 757) ani avutu a prima dosa llu vaccinu, vali à dì 52,04% lla pupulazioni è 63,46% lla pupulazioni maiori.
155 414 parsoni (+ 1 822) sò integralmenti vaccinati, vali à dì 45,68% lla pupulazioni è 55,70% lla pupulazioni maiori. Issi pochi ghjorna, hè attivarita bè a vaccinazioni in Corsica.
