Costa Concordia: Joseph Castelli rassuré après avoir approché l'épave avec Ségolène Royal
(A redazzioni d'Alta Frequenza) - Ssu ghjovi, Ségolène Royal, a ministra di l'eculugia, hè ghjunta in Bastia duva dopu à una riunioni in prifittura di Corsica Suprana, hè andata versu u portu di cummerciu pà cullà annant'à u Jason di a marina naziunali pà pudè supervizà l'uparazioni di trasportu di u Costa Concordia. Prima di passà à u cartulari di u parcu naturali marinu di Capicorsu ssu vennari, arimani u battellu di crucera passava à u largu di i costi corsi, è què malgradu a cuntistazioni putenti di parechji eletti è di una parti di a pupulazioni, una manifistazioni marittima è annant'à a tarra essendu urganizata à tempu. S'è i soli parolli ch'è no emi pussutu avè di a ministra di l'Eculugia sò stati ditti nanzi à u viaghjettu versu u Concordia, postu chì solu calchì media privilegiati, naziunali soprattuttu, ani pussutu accumpagnà a ministra annant'à u Jason, omi pulitichi, com'è Gilles Simeoni, Joseph Castelli o Petru Ghionga, par asempiu, ani accumpagnatu à Ségolène Royal annant'à u Jason di a marina naziunali. È pà Joseph Castelli, ciò chì hè statu vistu avvicinendu si appena appena da u Concordia pò rassicurà assai, da u cantu talianu ma dinò francesi.
Steti à senta u presidenti di u Cunsighju Generali di Corsica Suprana.
