Corsica Libera tire à boulet rouge sur l'attitude du préfet en Corse
In un cumunicatu di stampa, Corsica Libara parla di i maneri di u prifettu, è di u sensu di i so missioni, dati da u statu francesu.
« Ci semu resi contu, in Corsica, quant’iddu hè duru è tistardu issu parsunaghju. Ma l’affari ùn hè successu à casu : soca chì, una volta di più, hè statu missu « l’omu ch’iddu ci voli ind’iddu ci voli ».
L’emu capita bè ch’issu prifettu, com’è Bonnet innanzi ad iddu, hà sceltu di fà da proconsulu » dici Corsica Libara.
« Soca l’avarani datu par missioni di renda a Corsica à a ripublica, chì si ni saria alluntanata di dicembri llu 2015.
Sarà par quissa ch’iddu intarveni senza pichju in a noscia vita publica, pittughjendu si à i corsi senza alcun’dilicatezza ».
U muvimentu parla ancu di a franca balia data oramai à a pulizza, è dici in chjudenda, ramintendu una parolla di Paul Quastana, chì oramai a quistioni ùn hè più « quandu cunteti parta ? », ma piuttostu « quandu sareti dicisi à ùn vultà più ? ».
« U statu devi cambià pulitica in Corsica, è prestu ancu. È fà i scelti chì cunvenini », dici Eric Simoni à nomu di Corsica Libara.
U stemu à senta.