Corsica Libera revient sur la dernière communication du FLNC et présente sa journée politique à venir
Via un cumunicatu, Corsica Libara cumenta l’ultima presa di parolla llu FLNC.
Pà u muvimentu, issa cumunicazioni ci ramenta « chì u nosciu paesu cuntinuvighja à goda si una pulitica culuniali, luntana è bè da i spiranzi di paci affaccati in u 2014, cù l’iniziativa storica di piantà a lutta armata ».
Ma issa cumunicazioni ramenta dinò chì « i dimarchji chì ani par scopu di scantà da u dibattitu puliticu a crescita indipindintista… ùn poni chè fiascà », dici Corsica Libara.
In issu cuntestu, Corsica Libara ch’idd’hà da rinuvà a so azzioni pulitica in i mesa à vena, da ch’iddi si trovini prestu suluzioni à i prublemi cutidiani lli corsi, in u quadru glubali è cuirenti, luntanu da i logichi di dipindenza ch’arruvinighjani a Corsica ».
« Issa dimarchja ùn pò viaghjà cù l’accittazioni mansa di l’ingirenzi prifitturali, nè mancu cù a ripresa d’un discorsu culuniali chì voli mascarà l’idea di risistenza cù a parolla « viulenza ».
Ùn pudendu fà i Ghjurnati di Corti parvia llu cuntestu sanitariu, Corsica Libara s’impignarà à urganizà, u 18 di sittembri in Corti, una ghjurnata pulitica di purtata naziunali è internaziunali ».