Corsica Libera réagit après le nouveau report des réunions entre l'Etat et les élus de la Corse
Photo d'illustration
Dopu ch’idda sichi stata rimissa, una volta di più, a riunioni trà u statu francesu è l’eletti corsi, è dopu à a missa in guardia à vista di dui militanti, hà riagitu Corsica Libara, via un cumunicatu.
« Iss’attimpata à u sumbrettu di a riunioni, liata à una nova mani riprissiva, veni à dà cunfirma di a noscia apprizzazioni bedda nigativa d’issi discussioni, chjamati di manera pumposa « prucessu di beauveau », chì ancu u so intaressu oramai hè rimissu in quistioni. In stu quadru chivi, u meddu ch’iddu si pudarà prupona à l’eletti corsi sarà un’autunumia svalutata. Par contu nosciu, ùn ci pudemu adirì ».
Cuntinuvighja Corsica Libara dindu chì « puri firmendu si militanti di l’unità naziunali ad ugni volta ch’idda s’urganizighja incù basi pulitichi chjari, un prughjettu cumpagnu ùn si pò imaginà in u quadru impostu ad oghji da parigi è chì, cacciata Corsica Libara, pari ch’iddu achi mossu suddisfazzioni ginirali in a classa pulitica corsa ».
« Corsica Libara cunsidarighja chì « a minima cuncirtazioni à issu sughjettu, ci vurrà ch’idda conti l’urganisazioni lla ghjuvantù corsa, chì senza iddi ùn saria sbucciata mancu l’idea di un prucessu, ch’idda conti ancu l’urganisazioni di difesa lli prighjuneri pulitichi, chì ani sacrificatu tantu pà a lutta naziunali chì sò anni è anni, è infini l’urganisazioni sindicali nata da a lutta di libarazioni naziunali.
Tutti issi forzi sò par avali scantati da i discussioni da i tanti prutagunisti, in Corsica è in parigi »
Sur le même sujet
