Corsica Libera milite pour la création de SMUR et d'un centre hospitalier régional
(A redazzioni d'Alta Frequenza) - Corsica Libera faci sapè u so timori di pettu à a desertificazioni medicali guasgi sicura da quì à deci anni, prupunendu à volta suluzioni pà fà riparta u trenu di a saluta publica. In fatti, parechji medichi, frà i quali una parti impurtanti di ghjiniralisti, ani da parta à a ritirata à issu mumentu, certi inde rughjoni dighjà indebbuliti, ciò chì laca tema u peghju in tarmini d'accessibilità à i curi. Ind'u quadru di u so prughjettu Corsica 21, ma dinò incuraghjiti da u Pacte Territoire Santé di u ministeru di a Saluta chì và à prò di l'accessu à servizii d'urghjenza ind'a meza ora pà tutti, quissi quì pruponini dui misuri. A prima, a criazioni di SMUR ind'u Taravu, in Capicorsu, in Niolu, ind'i Dui Sevi è Dui Sorru, cunsidarendu malgradu tuttu chì l'affari ùn pudarà micca arrigulà tuttu. Ma a pruposta maiò hè a criazioni di un uspidali righjunali, lucalizatu à tempu nant'à l'uspidali ghjinirali di Bastia è d'Aiacciu, chì parmittaria di prupona internati à i studienti in medicina, un inghjocu capitali pà rinnuvà u mondu medicali, quandu si sà chì 60% di l'interni fermani ind'u so rughjoni d'internatu una volta quissu quì finitu. Inde issu scopu, Corsica Libera dumandarà à scuntrà da quì à pocu u direttori di l'ARS.
On écoute Esteban Saldana pour Corsica Libera
