Corsica Libera et Femu ont demandé à Ségolène Royal de rencontrer les militants de la GI
(A redazzioni d'Alta Frequenza) - Ségolène Royal, a ministra di l'Eculugia, di u Sviluppu durevuli è di l'Energia hè in Corsica pà ssi dui ghjorni. Hè ghjunta à ondeci ori menu un quartu in a Cullittività Tarrituriali di Corsica pà a prima tappa di u so viaghju : una riunioni di travaghju annant'à a legi di Transizioni Energetica è a prugrammazioni pluriannuali di l'energia. Ma prima, i dui gruppi naziunalisti à l'assemblea di Corsica, Corsica Libera è Femu a Corsica ani vulsutu intarpillà a ministra annant'à a situazioni di i ghjovani militanti di a Ghjuventù Indipendentista, chì occupani dipoi marcuri una parti di a citadella di Corti è in greva di a fami. A dumanda : chì Ségolène Royal andissi à veda i ghjovani militanti pà pudè dà à quissi quì risposti à ciò ch'elli aspettani. S'è Ségolène Royal ùn pudarà micca andà in Corti par via di un calendariu strettu, hà prupostu quantunqua chì unu di i so raprisintanti cullissi ssu sabbatu à scuntrà i ghjovani militanti di a GI.
Steti à senta à Ghjuvan Guidu Talamoni.
Sur le même sujet
