Corsica Libera donne sa vision de la situation politique en Corse
(A redazzioni d'Alta Frequenza) - Duranti una cunfarenza di stampa ssu ghjovi, Corsica Libera hà datu a so analisi di a situazioni pulitica in Corsica. C'hè un custatu, hè chì d'appressu à Corsica Libera, errori pulitichi sò stati fatti da i leaders di u currenti muderatu di u naziunalisimu, chì in Purtivechju cù una disfatta com'è in Bastia pà una vittoria s'hè alluntanatu da Corsica Libera. Ssu custatu tocca soprattuttu u famosu "préalable" chì t'avia com'è scopu di scluda u currenti indipendentistu d'allienzi cù altri partiti, ancu cù parsoni chì sò sempri stati contr'à i naziunalisti, sicondu elli, com'è u Partitu Cumunistu o a manca republicana, Corsica Libera cunsidarendu da un'antra banda François Tatti com'è u veru omu forti di Bastia dopu à i municipali, fendu chì tutti trema ma senza chì nulla muvissi. Accittendu a nova carta pulitica corsa uppunendu a manca republicana, u PC è una parti di a diritta ind'è i cunservatori, à a manca di Paul Giacobbi, a diritta prugressista è i naziunalisti muderati ind'a famighja di quilli à prò di a riforma, u partitu indipendentistu dici ch'ellu hè apartu à u discorsu fendu casu à tempu à ùn svià si micca da a so voglia finali, vali à dì a suvranità di u populu Corsu.
Steti à senta à Ghjuvan Guidu Talamoni chì volta dinò annant'à u votu à l'Assemblea di Corsica annant'à u statutu di residenti da quì à calchì ghjornu.
Sur le même sujet
