Corsica Ferries : Parti Communiste et CGT dénoncent le jugement du tribunal administratif
(A redazzioni d'Alta Frequenza) - Ssu marcuri, u Partitu Cumunistu è a CGT ani manifistatu davanti i casali di a Corsica Ferries in Bastia, dopu a sintenza di u tribunali amministrativu di Bastia chì, u 26 di farraghju scorsu hà cundannatu a Cullittività Tarrituriali di Corsica à pagà 84 millioni d'auri à a cumpagnia ciò chì currispondi à u preghjudiziu ch'ella hà patutu a cumpagnia in u quadru di u sirviziu cumplementariu trà u 2007 è u 2013. Sicondu u Partitu Cumunistu è a CGT, l'assenza di spertizia lanciata da u tribunali amministrativu faci spuntà intarrugazioni impurtanti, postu ch'elli ùn volini creda à u fattu chì a cumpagnia avissi persu pà daveru 84 millioni d'auri di benefiziu pussibuli nant'à un sciffru d'affari di 95 millioni d'auri. CGT è Partitu Cumunistu dinunziani ciò chì saria un veru arrubecciu contr'à i citadini corsi d'appressu à elli, incalchendu nant'à u fattu chì ssi soldi si n'andariani in Sguizzara, duv'ella c'hè a holding chì t'hà a cumpagnia.
Una riazzioni di a CTC hè aspittata u più prestu pussibuli sicondu Michel Stefani, cunsighjeru tarrituriali di u Partitu Cumunistu.
Sur le même sujet
