Corse Sauvons notre Économie : le Collectif demande l'application du tarif résident aux vacanciers sous certaines conditions
U cullittivu « Corse Sauvons Notre Economie » hà publicatu una lettara aparta à intinzioni llu guvernu.
Riuniti in mirria di Portivechju issu ghjovi, i membri llu cullittivu dumandani misuri forti da salvà impresi è impiechi, à l’affaccà d’una staghjoni bianca.
U cullittivu dumanda dunqua un'esunirazioni cumpletta di i carichi suciali è fiscali, sinu à a ripresa di l'attività turistica, di branu llu 2021, è ch’iddu si posca mantena u disimpiecu parziali sinu à issa data.
U cullittivu dumanda à u statu di metta in anda i misuri nicissarii, da parà quant’iddu si pò i perditi liati à a sfruttera.
U cullittivu ni chjama ancu à u prisidenti llu Cunsigliu Esecutivu lla Corsica, dumandendu li una pulitica lli prezzi adatta, par ciò chì tocca à u trasportu.
Fendu u paragonu cù a Sicilia, cheri à a Cullittività di Corsica una presa in carica in parti di i spesi lli visitadori, prupunindu li un tariffa di risidenti par casu ch’ iddi ghjustifichighjini di calchì affittu ind’è prufiziunali llu turismu.
