Corse : Gilles Simeoni et Jean-Guy Talamoni soutenus par le président de l'association Régions de France
(A redazzioni d'Alta Frequenza) - Gilles Simeoni è Ghjuvan Guidu Talamoni erani prisenti ssu marcuri in Parighji pà u Cunsighju di i Regioni. Si trattava d'amintà l'avvena di a pulitica aurupea di cuesioni dopu à u 2020 è di riceva à Jean Bernard Lévy, PDG d'EDF, nant'à l'inghjochi di a transizioni energetica è di u travaghju cù i tarritorii. Dopu à ssu cunsighju, i presidenti di l'Esecutivu è di l'Assemblea di Corsica ani scuntratu u presidenti di l'associu Regioni di Francia, Hervé Morin, dopu à i risulati di l'alizzioni tarrituriali è l'inghjochi pà l'avvena di a Corsica. Hervé Morin hà dittu ch'ellu hè favurevuli à un puteri legislativu dilegatu pà l'isula è prontu à sustena a scrizzioni di a Corsica nentru a Custituzioni. Un sustegnu maiò, d'appressu à Ghjuvan Guidu Talamoni, à u mumentu induva u guvernu ùn hà soca ancu presu a misura di u risultatu di l'alizzioni tarrituriali di dumenica scorsa è tuttu ciò ch'ellu pò raprisintà.
Steti à senta à Ghjuvan Guidu Talamoni.
