Le Direct

Coronavirus : un patient corse guéri à Marseille : sa famille témoigne

Patrick Zemmour voli tistimugnà. Michel Muracciole, u so cucinu di 60 anni, hè statu dichjaratu pusitivu à u Covid19. Toccu da parichji patulugii, hè statu avviatu versu Marseglia, à nantu à u porta elicottari di a marina francesa, cù 11 altri corsi.

U so statu ùn era stabilizatu à u mumentu lla partenza. Ghjuntu in Marseglia, Michel Muracciole hè statu uspitalizatu à a Timona, è hà ricivutu u trattamentu di u prufissoiri Raoult. Dici Patrick Zemmour chì dopu à 7 ghjorna di trattamentu, u so cucinu ùn avia più carica virali.

Dopu à calchì ghjornu d’usservazioni, Michel Muracciole hè statu avviatu in un altru spidali marsigliesu da virificà i so patulugii cronichi, eppo’ marcuri, guaritu, si n’hè vultatu in Corsica.

Patrick Zemmour voli dunqua tistimugnà da purtà spiranza à i malati, ma dinò da ch’iddi cambiini l’affari, par ciò chì tocca à u trattamentu prupostu da l’IHU.

Ùn issendu suttimissu nè à metudi, nè à scintifichi qual’ch’iddi sichini, voli ghjustu purtà a voci d’una famidda corsa di pettu à issa malatia.

Stemu lu à senta.