Le Direct

Coronavirus : quatre nouveaux décès en Corse, 15 nouveaux cas en 24 heures

Hè stata pessima issa ghjurnata in Corsica, par ciò chì tocca à u coronavirus.

L’ARS hà fattu sapè ch’idd’erani morti 4 parsoni. Sò oramai 28 à essa stati vinti da u siscu, in Corsica : 25 in i spidala è 3 in EHPAD.

Dui parsoni, di 48 è 81 annu, è chì t’aiani comurbidità, si ni sò morti à u spidali d’Aiacciu, è dui altri si ni sò morti in EHPAD.

Da quand’idd’hè cumencia a crisa, 315 parsoni sò stati cuntati pusitivi in i spidala, vali à dì 15 di più chè arimani.

À u spidali d’Aiacciu sò 239 i casi, vali à dì 10 di più chè arimani, è à quiddu di Bastia sò 76, vali à dì 5 di più.

In quantu à l’uspitalisazioni, parini cambià i cosi : hè crisciuta in Bastia da 8 à 13 parsoni, cù 3 di quissi in rianimazioni.

Hè calata inveci in Aiacciu sinu à 74 parsoni, 22 di quissi issendu in rianimazioni.