Coronavirus : Le Professeur Raoult émet l'hypothèse de la saisonnalité
Puri ch’iddi t’achini a pratinsioni di valè quant’è virità i scenzi ditti duri, à spissu ùn sò tantu d’accordu trà iddi i sperti.
Hè cusì chì a « staghjunalità » di u Covid19 faci nascia cuntrasti è dibattiti.
Pà u prufissori Raoult, chì hè à a dirizzioni di l’IHU di Marseglia, è chì avia parlatu dighjà di a pussibilità d’una malatia di «staghjoni », l’affari saria in traccia di virificà si.
« Parichji malatii sò staghjunali, quissa hè un fattu… ùn saria mancu una surpresa ch’idda sichi listessi par quissa » hà dittu Didier Raoult, spiichendu chì tandu, ancu puri issendu ci, u siscu ùn si trasmetti più.
Stemu lu à senta.
