Coronavirus en Corse: Edition spéciale sur Via Stella ce midi
À chì ni saremu in Corsica, à l’avvicinà di u scunfinamentu prugrissivu privistu à parta si da l’undici di maghju ? Comu sarà stata gistita issa crisa ? Comu si prisentani l’affari ?
Ghjovi u 23 d’aprili, à meziornu, france 3 Corsica Via Stella vi hà da prupona un’emissioni spiciali.
Sò privisti intarventi in direttu, par più di 45 minuti, da ugni parti lla Corsica, da circà à risponda à i quistioni ch’ugnunu si poni di pettu à u Covid19.
In prifittura, i squadri di Via Stella ani da stà à senta u prifettu è a dirittrici di l’ARS. Po’ dopu, in direttu da u spidali, si starà à senta l’infizziuloga Delphine Pointrenaud.
Viaghjendu un pocu, s’andarà in a Sulinzara à u riscontru di u duttori Antoine Grisoni, u prisidenti di l’URPS di Corsica.
Un quartu appuntamentu hè privistu à a Cullittività di Corsica cù Bianca Fazi, a cunsigliera esecutiva in carica di a saluta, medica urgintista à u spidali d’Aiacciu.
Eppo’ si cumpiarà iss’emissioni cù un direttu à u lavuratoriu Vialle in Bastia, cù u so dirittori.
Sur le même sujet
