Coronavirus : deux nouveaux décès à Ajaccio, sept nouveaux cas en Corse
Eccu i statistichi di l’ARS pà a ghjurnata di ghjovi.
358 sò stati cuntrullati pusitivi à u coronavirus in i spidala di Corsica.
In Pumonti sò 280, dui di più chè arimani. In Cismonti, sò 78, è pari stabili a situazioni.
Dipoi u 23 di marzu, 162 parsoni sò stati cuntrullati pusitivi in i lavuratorii di i cità, par 2273 parsoni virificati.
Aghjustendu tuttu, sò 520 i parsoni tocchi in Corsica.
81 parsoni sò uspitalizati.
71 sò in Aiacciu, 17 di quissi issendu in rianimazioni.
10 sò in Bastia, cù 2 di quissi in rianimazioni.
À u spidali d’Aiacciu, dapoi u principiu lla sittimana, hè calatu u numaru di i parsoni in rianimazioni.
In vinti quattr’ori, dui omini di 80 è 86 anni si ni sò morti à u spidali d’Aiacciu.
Da u principiu lla crisa, 42 parsoni sò morti, 36 in i spidala è 6 in l’EHPAD.
Cinqui di i 28 EHPAD di Corsica ani cuntabilizatu 34 casi, sicuri o suspetti, vali à dì dui di più chè arimani.
Sur le même sujet
